په انټرنیټ کي دپښتوژبي لومړنۍ پرلیکه ادبي مشاعره

ددی زړی کلا په هغه کونج کی
تر خاوری لاندی می منګی ولیدو
له خاورو ډک وه خو مات شوی نه وه
پکی د سرو می یو بنګړی ولیدو
دکوم کلال د لاس هنر به وه دا
چی دومره کلک او پخوانی ښکا ریدا
د چا د پټی مینی راز به ؤ دا
چی یی په مینځ کی دا بنګړی ښکاریدا
منګیه څومره چینی تا لیدلی
د څومره تیری زمانی به یی ته
بنګړیه ته د کومی مور مینه یی
که راز د کومی یا رانی به یی ته
دکومی پیغلی په مړوند کی به وی
زیړه بنګړیه راته حال ووایه
د کوم مین تنده په تا ماتیده
سپیره منګیه را ته حال ووایه