 |
 |
 |
 |
 |
|
|
.gif){kind=small} |
|
.gif){kind=small} |
 |
|||||||||||
|
|
||||||||||
|
|
محمد رضا شيدا د ارغند دڅپو ژبه ( دوهم ) :محمد رضا شيدا د محمد فاضل زوى په 1967م/1346ل كال د پښين په توره غونډۍ سيمه كې زوكړى دى. خپلې زده كړې يې تر بي- اې (د ادبياتو ليسانسې) پورې رسولي او اوس هم په ښوونه او روزنه بوخت دى. د دې تر څنګ يې شعر ليكل نه دي پرېښي، تر اوسه يې ډېر نظمونه او شعرونه كښلي دي. خو كوم خپور شوى اثر نه لري. داسې ښكاري چې شيدا د مظلومو او كموزلو انسانانو ژړا او سلګۍ د زړه په غوږونو اورېدلي او درك كړي يې دي. په ډېرو شعرونو كې يې د اوښكو او ګيلو يادونه شوې، نو ځكه ويلاى شو، چې نوموړى د ولس د تراژيديو انځورګر دى او هڅه كوي، هر انځور او كلام يې د ټولنې د زړه ټكور او سكون شي. دا ځكه چې بېوزلي انسانان خو يوازې په اوښكو او صبر خپله تسلي كوي او د وير او درد پر وخت له زغم پرته بله زوروره وسله ورسره نه شته. نو شيدا هم خبر دى چې د خواشينيو پر وخت د سرو شونډو، تورو سترګو او نرۍ ملا ستاينه نادوده ښكاري. ده هم د خپل رسالت له مخې هڅه كړې د خپل ولس ټولې خواشينۍ او خوښۍ درك او بيا يې په خپلو شعرونو كې انځور كړي. كه د ده په شعرونو كې د عيني او ذهني انځورونو له كمښت سره مخامخېږو، بيا يې هم بيان د پام وړ دى. ”شعر د انځور له كبله له يوې ځواكمنې تمثيلي جنبې څخه برخمن دى، ځكه هر تورى يوه ذهني او عام څيز ته ځانګړى شوى دى“. خو هر شاعر ځان ته يو شعري سبك او مكتب لري، بايد ويې لري، كه خپله ورڅخه برخمن نه وي، د بل مخكښ شاعر پيروي دې وكړي او د هغه په مرسته دې ځان ته يوه ځاى ته ورسوي، دا پيروي يوازې د هغه پياوړي شاعر له شعر څخه تقليد نه دى، بلكې د مخكښو شاعرانو له مشورو او لارښوونو څخه دې ګټه واخلي. كه يو شعر د انځورونو له مخې كمزورى وي، بيان به يې ښكلى وي او كه يې بيان ښكلى نه وي، بيا به يې تمثيلي جنبه يا هم الفاظ ښايسته وي. كه دغه اړخونه په كې نه وي نو جوته خبره ده، چې دغه شعر بې ارزښته دى. شيدا لا د ځوانۍ په پړاو كې دى او كه نوي او زاړه شعرونه يې په غور سره ولوستل، همداراز د شعر پر فني اړخ يې ډېرې شوې څېړنې او پلټنې ولوستلې، كېدى شي شعر يې په انځورونو بډاى او نور هم په زړه پورى شي. لارې صالح محمد صالح |
|||||||||
| ||
 | ||
| Webmaster[at]benawa.com | Design by: Benawa Network | Copyright © Lekwal.com 2005 |