اختر کله راځي؟
                                  
روژه،برات او نوي کال بختور کله راځي؟
په زړه سپيځلي تر کعبي منور کله راځي؟

کيداي شي ټول به پري خبر وي خو مونږ نه يو خبر
خداي زده تر مونږه پرديسيانو خبر کله راځي؟
تاسو خو يوبل ته ورغاړي شوي اختر مو جوړ کړ
دوچو شونډو مسافر به اخترکله راځي؟
کلونه وشول چي مو سره لاسونه ليدلي نه دي
په سرو لاسونو د مودي مرور کله راځي؟
چي په ځپو،ځپو مو يوسي تر خاورينو کوټو
د هغه خوب دتعبيرونو اثر کله راځي؟
"ځدراڼه"راشه چي اوده شو که په خوب کي راشي
ښه پري پوهيږي چي په ويښه دلبر کله راځي؟