قاتلان راباندې ژاړي درنوي مې پس له مرګه
په ژوندون يې  زه په دار کړم خښوي مې پس له مرګه

دې حالاتو خو ملګرو له پخوا نه یم وژلی
قاضي هسې خواري کاندي ځړوي مې پس له مرګه

ستا یادونه ګرانې ښکاري په مذهب چه هندوان دي
په ژوندون مې وو ملګري سوځوي مې پس له مرګه

په دریاب دریاب مې اوښکې ستا هجران کې بیولې
ټولې اوښکې رایوځای شوې لمبوي مې پس له مرګه

ستا خندا ستا قسمونه ستا وعدې یو موټی شوي
ټول را ټول دي په لحد کښې ځوروي مې پس له مرګه

جمیل –کابل د سلواغې ۲۳   کال ۱۳۸۶