د ګلو  پاچا

هلته د  کڅ په  غاړه
ښکلې   سپر لې   راغی
چه  د سهار   وږمو  يې
د شنو پټو په  منځ  کې
يو ښکلې  ګل  و غوړو

ګل دفطرت  لمن  کې
داسې را و غوړيده
چه د تور غره څوکو يې
تل  نندارې  کولې

ها داسې  و رنګيده
چه دښکلا د نندارو  لپاره يې
دکابل  سيند دخپل موجونو سره
له  قهره  وغورځيده

ها د ريدي  او د غاټول  ګلونو
ها د مرسلو  او شبو ګلونو
داسې  را ونازوه
چه دګلونو  منځ کې
دګل پاچا پاته  شوو

ها دګلونو پاچا
هغه د زړونو  الفت
دومره وفا لرله
چه په ګل پاڼو کې يې
د ګلستان  لپاره
دمرغلرو  دانې
ښکلۍ  را چاڼی کړلی

هغه دګلو پاچا
هغه د زړونو  الفت
ها د قرنونو  عظمت
مخ  په  بيديا  وخوځيد
 بيا خداې خبر
چه کله  بيا راځي
ځکه  له  سترګو می
ژړا  راځي

                                                          ٢١-٢ -٢٠٠٨     ويانا
                                                        انجينر عبدالخالق  ساپی