 |
 |
 |
 |
 |
|
|
.gif){kind=small} |
|
.gif){kind=small} |
 |
|||||||||||
|
|
||||||||||
|
|
انجنير ستانه مير زهير انجنير ستانه مير زهيرښاغلي ستانه میر زهير په ۱۳۳۲ لمریز کال کي د ننګرهار ولايت د شینوارو د هسکي مینې ولسوالۍ د ثناخیلو په کلي کي د یار محمد پرکاله سترګي روڼې کړي دي . لومړنۍ او منځنۍ زده کړي ئې د رحمان بابا په لیسه کي ( ١٣٣٩ ل_ ١٣٥٠ ل ) او لوړي زده کړي ئې د کابل په پولي تخنيک انستيتوت ( ١٣٥٢ _ ١٣٥٦،٦٤_١٣٦٥ل ) کي پای ته رسولي . دتحصيل درجه ئې ماستر MA ده او تخصصي زده کړی ئې دجيولوجي او دجامدوکاني موادو د سروې او اکتشاف رشته ده په اکاډميکې څيړنو کي ئې د ستاژدوه دورې ( ١٣٦٦ ، ١٣٦٧ ل ) ، د ازبکستان _ د تاشکندد علومو اکاډمی کي تېري کړي دي اود محقق_ د افغانستان د علومو اکاډمۍ علمي درجه لري رسمي دندې : * کانو او صنا يعو وزارت ، جيو انجنيرۍ ډيپارټمنټ ( ١٣٥٧ ل کال ) * د ښوونې او روزنې وزارت _ د تاليف او ترجمې رياست _ دجغرافيې ډيپارټمنټ مسلکي غړی او د جغرافيه د بلوټن مسول مدير ( ١٣٥٨ _ ١٣٦٣ ) *ساختماني چارو وزارت _ د لارو او ډګرونو رياست _ پورژه سازۍ امريت د جيو انجنيرۍ مدريت ( ١٣٦٣ ل _ ١٣٦٥ ل کال ) *د افغانستان د علومو اکاډمۍ _ ځمکې پيژندنې انستيتوت _ جيولوجي ډيپارمنټ ( ١٣٦٥ ل _ ١٣٧٣ ل کال ) * د BBC AEP د نوي کور ، نوي ژوند د ډرامې ليکوال ( ١٣٧٤ ل _ تر اوسه ) . • په ادبي برخه کې غير رسمي دندې : د مسلکي ذده کړو تر څنګ يې د کو چنيوالي څخه د پښتو ژبې د ادب سره هم مينه لرله . د همدغه ذوق او مينې له برکته په يولسم ټولګي کې يې ذده کړه کوله چې په ښوونځي کې د يوې ديوالي جريدې مسوليت هم ور په غاړه شو . تل يې په ادبي محافلو او مشاعرو کې برخه اخيستې او وخت نا وخت يې د ادب په مختلفو برخو کې قلم هم خوځولی دی . • کله چې په ١٣٥٠ ل کال د قوس په مياشت کې دولسم ټولګي څخه فارغ شونو په هغه وخت کې د دوامداره مظاهرو له امله پوهنتون تعطيل شوی واو د نوي کال له پاره يې د دولسمو ټولګيو د فارغانو څخه د کانکورازموينه نه ا خيستله . له دې امله ١٣٥١ ل کال په نيمايي کې ،د پښتو ټولنې د زيري په اونيزه اخبار کې د مسلکي غړي په تو ګه مقررشو . تر١٣٥٢ ل کال د ثور تر مياشتې پوري يې په همدې اخبار کې کار کاوه . • د ١٣٥١ ل کال د لومړيو نه پيل او د ١٣٥٢ ل کال تر شروع پورې يې په حق ا لزحمي توګه د هيواد د ورځپاڼې د ( ستاسو صفحې ) متصدي هم و. • ١٣٥٦م کال په وروستۍ نيمايي کې په داسې حال کې چې د کابل پولي تخنيک د پپنځم کال محصل و ، د پښتو ټولنی د لرغوني ادب په برخه کې د خوشحال خټک د راټولو شوو اشعارو په نقل ، مقا بله او پاکنويس کې په حق الزحمي توګه همکاري لرله • د ١٣٥٧ ل کال د ورستيو مياشتو څخه شروع او د ١٣٦٠ ل کال تر پيل پورې په حق الزحمي توګه په راډيو افغانستان کې ، د هنر او ادبياتو د څانګې ( کورني ژوند ) د پروګرام د پښتو مطالبو ليکوال و . • د ١٣٧٤ ل د جوزا په مياشت کې په پيښور کې د افغانستان له پاره د BBC راډيو د ( نوي کور، نوي ژوند ) د ډرامې د ليکوال په توګه مقرر شوی او تر اوسه په همدې برخه کې خپلې دندې ته دوام ورکوي . • د لنډو کيسو ( وروستی ليک ) طنزونو ( غيرتي لالا ) او ازادو شعرونو ( ويرونه زموږ دکلي ) مجموعې لري خو تر اوسه لا چاپ نه دي . مسلکي _علمي او څيړنيز اثا ر يې : الف : چاپ شوي اثار : • د ښونځيو له پاره د ( پنځم ، اووم ، اتم ، نهم او لسمو ) ټولګيو له پاره د جغرافيې د کتابونو د تاليف کوونکوله ډلې څخه دی . دا کتابونه د ( ١٣٥٨_ ١٣٦٣ ل ) کلونو په موده کې چاپ او په ښونځيو کې د تدريس لاندې وو. • جنګ های بيست ساله و تباهي ذخاير معدني افغانستان . چاپ مرکز مطالعات افغانستان ، پيشاور _ سال ١٣٧٧ ش . • په افغانستا کې زلزلې . د اکبر د موسسې له خو ا په پيښور کې په ( ١٣ ) کال کې چاپ شوی دی . • په افغانستان کې کاني زيرمې د اکبر د مو سسې له خو ا په پيښور کې په ( ١٣ل ) کال کې چاپ شوی دی . • بايو ګاز ( پښتو ژباړه ) د اکبر مو سسې له خو ا په ( ١٣ ل ) کال کې چا پ شوی دی • په افغانستان کې د منرالي اوبو چينې . دا يو اکاډميک څيړنيز اثر دی چې د ښاغلي شيرشاه رشاد سره يې په ګډه په ١٣٧١ ل کال کې ليکل شوی او په ١٣٨٤ ل کال کې په جرمني کې د کلتور ي ټولنې له خوا چاپ شوی دی . • د خپل مسلک او هم د پښتو ادب په برخه کې يې په لسګونو مقالې د هيواد په دننه او هم د مهاجرت په موده کې په اخبارونو او مجلو کې چاپ شوي دي . خالدهادي حیدري |
|||||||||
| ||
 | ||
| Webmaster[at]benawa.com | Design by: Benawa Network | Copyright © Lekwal.com 2005 |